Festa rachada!!!

Por fin as imaxes do día da festa!!!

Mil grazas a Sandra, nai de Lía, por este marabilloso recordo.

Felices vacacións a tod@s!

Súper papá

O 18 de marzo celebramos o día do pai cos maiores. Acompañounos Daniel que é o papá de Martín. El é moi bo cociñeiro e sabe  facer unhas pizzas espectaculares. Pasámolo estupendamente!!! Grazas Daniel e ...parabéns a todos os pais!!!

Amig@s na clase de Carmela

Aquí estamos tod@s @s compañeir@s xogando co corpo, os sons, os sabores, o tacto e os olores.

Romaría

O 27 de xuño xuntámonos para celebrar o fin de curso. Mirade que xornada tan bonita...

Galletas venezolanas

Nancy, a nai de Aaron, mostrounos como se fan estes doces. Pasámolo moi ben amasando ...  estaban boísimos! Grazas una vez máis, nai colaboradora!!!

Batidos

Grazas, unha vez máis Gerardo, por aprendernos a facer estes batidos tan riquisísimos e tan ben presentados!!!

Súper mamá

Arancha, a nai de Álex Formoso, visitounos o 8 de maio. Ademais de contarnos un conto explicounos como se curan as feridas e se poñen vendaxes. Tamén sentimos o corazón co fonendo... e debía petar moi forte porque estabamos tod@s emocionad@s!!!
Que xeito tan bonito de festexar o día da nai!
Grazas por acompañarnos, Arancha!!!

  

A horta das Mariñas

Chegou a primavera e animámonos a plantar: leitugas de 3 tipos, morango, ceboliño e cabaciña. Pero en verdade o que máis nos gusta e regalas e andar na terra!!!

Amor de mis amores

Hai algo máis gratificante que bañar un bebé? É un momento precioso onde se establecen c@ recén vínculos afectivos a través do tacto, da mirada, da voz... que provocan que se sinta a gusto, relaxad@ e segur@.

Pois ben, Barri, o pai de Uxío, ofreceuse a vir á escola a ensinarnos como se fai isto. E non só a técnica, senón tamén que debemos facelo con amor e deixar que o bebé xogue e disfrute... 

@s da clase dos maiores aproveitamos para xogar c@s bonec@s e darlles un bo baño. Nós de paso tamén.

Precisamente estivo con nós o 19 de marzo... día do pai. Grazas!!!

O Antroido do Gato Guille

"Gato Guille estaba xogando no seu cuarto.

De súpeto, escoitou un ruido estraño:

fiiiuuu  fiiiuuu ..."

Así arranca o conto que motiva o noso Antroido.

Xa vistes o bonito que quedou o cole con esta ambientación tan "currada". Moitas grazas, colaboradores. Sodes verdadeiramente artistas!!!

E @s nen@s, iamos  xeniales co noso disfrace!

Aquí estamos @s de 1-2 !!!

Non nos chega a xornada para tanto que facemos:

pintar, bailar, observar, colaborar, paladear,  compartir... e sobre todo xogar.

Mirade, mirade !

FESTA DE FIN DO CURSO 2012-13

O último venres de xuño celebramos a nosa xa famosa romaría para despedir o curso. Xuntámonos pais, fillos, avós, tíos, primos e persoal da escola... todos axudando a facer desta xornada un día tan especial. Cada ano superámonos, pasámolo xenial!!!

Mirade, mirade...

Se queredes ollar o video, picade AQUÍ e introducide o contrasinal: mariñas. 
Parabens por esta peli, "Sandra nai de Lía" .Moitas grazas!!! Quedou bárbara!!!...

...e algunhas imaxes, con "fotocol" incluído!!! O noso agradecemento tamén a Tino, o  fotógrafo oficial.

             

FAMILIAS COLABORADORAS

Moitas son as familias que nos acompañaron e compartiron as súas aficións e coñecementos. O noso agradecemento a todas elas pola súa xenerosidade e entusiasmo!!!

FESTA DE FIN DE CURSO 2011-2012

O último venres de xuño fixemos tremenda festa  no xardín. Xuntámonos pais, fillos, avós, tíos, primos e o persoal da escola... todos axudando a facer desa xornada un día tan especial. Pasámolo xenial!

Acompañáronnos ao comenzo  Pablo Díaz e Diego Barral coa súa música e cancións.

Houbo despois moitas actividades e obradoiros organizados polas familias: tatuaxe, maquillaxe, globoflexia, pintura de uñas, contos e decoración de galletas e bandexas.

No xantar contamos coa inestimable colaboración dos irmáns e primos camareiros que despois de servir a comida aos pequeniños, fixeron chegar aos maiores degustacións do máis multicultural. Probamos especialidades búlgaras, arxentinas, uruguaias, bolivianas, brasileiras, colombianas, peruanas, andaluzas e galegas ... Mmm!

Para asentar todas estas ricuras, que mellor que un té marroquí?

As vivencias desta xornada quedan plasmadas neste fantástico video. Gratitude sen fin ao seu autor Alberto,  pai de Leo Castaño. Menudo regalazo!

VER VÍDEO

 

O NOSO HORTO

A nós, realmente o que nos gusta é andar na terra e na auga. Con este pequeniño horto conseguímolo. Ademais aprenderemos a coidar as plantas e se o facemos ben, comeremos leitugas, cabaciñas e amorodos.

FIXEMOS PAN !!!

Rosquillas, galletas e ... agora pan. Moito nos gusta amasar! É que non  temos prezo como panadeiros!
O día 15 puxémonos mans á obra. Primeiro lavámonos ben  e así remangados extendimos fariña polas mesas (chan e roupas tamén). Eva  misturou os ingredientes: auga morna , fariña, sal e fermento. Puxemos a levedar  a masa ao sol e... a traballar. Fixemos os boliños e directos ao forno. Aínda quentes ían os que levaron os nenos que marchan despois de comer.

Que opinades, estaban ricos ou riquísimos?

       

 

AS GALLETAS DE LARANXA

Ultimamente estamos dun atarefado coas comidiñas... 

Cos pais de Alejandra, Jhancarla e Alejandro, fixemos nada menos que galletas. Mmm!

Aí vai a receita: (a medida dos ingredientes é unha cunquiña).

Quéntase media de aceite de oliva e  deixase enfriar. Nunha fonte bótanse 150 gr. de manteiga, o aceite, media de zume de laranxa, unha de azucre, unha xema de ovo e a raiadura de laranxa. Mistúrase todo ben e  vaise engadindo fariña ós poucos ata conseguir unha masa fina que non se pegue nas mans. Fórmase unha bola  e espolvoreámola con fariña e tamén a mesa onde lle daremos forma co rodillo. Unha vez feita a plancha de masa, facemos as formas das galletas con vasos ou outros moldes. Vánse sacando as figuras e colócanse sobre unha fonte cuberta con papel de forno para que non se peguen.Tamén podemos pintalas con ovo batido.

Cócense a forno forte ata que estean douradas. 

Mirade, mirade...

OVOS DECORADOS

Onte visitounos Merce a nai de Antón. Ocurríuselle que podiamos decorar  ovos, xa que estes días se ven moito nas confitarías. Cavilando, cavilando pensou en adornalos con "gomets" de cores.

Como son moi fráxiles, Lola coceunos antes. Merce explicou que lles podiamos pegar os ollos, a boca e tamén un vestido...quedaron moi orixinais! Algún ía rompendo e así tamén puidemos probalos, tiveron moito éxito de ricos e de bonitos!

 

 

Que vos parece?

QUE DIVERTIDO É FACER BATIDOS!

O luns 26 de marzo visitounos Gerardo, o pai de Mario, que fai uns batidos riquísimos. Con el decoramos  os vasiños, cortamos as froitas,  botámolas na batidora cun chorriño de mel, apretamos o botón e...maxia! 

Estaban deliciosos!

Por se queredes facelos na casa aí vai a receita: mesturamos na batidora amorodos, plátanos maduros, leite e mel. Estampamos os vasos en xarope e azucre e puxemos unhas palliñas adornadas con guindas.

É moi entretido!