A granxa

Visitamos a casa de Manola e Juan. Probamos o leite, montamos no tractor, dimos de comer ás vacas...e, sobre todo, pasamos un día estupendo.

Xeadaría Colón

Ao sair da Bebeteca, pasamos pola Colón. Como nos puxemos!!! que ricos están estes xeados...  de limón,  chocolate,  morango...
Dani mostrounos na cociña como os elaboran a diario, todos con produtos naturais.
Voltaremos de seguro.
Moitas grazas por proporcionarnos estes momentos tan doces!!!

A bebeteca

Visitamos a Bebeteca da Deputación e Silvia deixounos mirar moitos contos. Algúns xa eran coñecidos pero había moitísimos novos. Temos que facernos socios para poder levalos á casa!!!

  

Mercado de San Agustín

Este ano tamén fomos facer a compra. Mirade, mirade...

Os peixes

Luis, o pai de Nerea, tróuxonos á escola cantidade de peixes e crustáceos e así puidemos velos de cerca e tocalos. 
Ademais, os maiores fixemos a primeira saída do curso e visitamos  a Casa dos Peixes. Vimos como os buzos os alimentaban e pásamolo de marabilla!!! 

FAMILIAS COLABORADORAS

Moitas son as familias que nos acompañaron e compartiron as súas aficións e coñecementos. O noso agradecemento a todas elas pola súa xenerosidade e entusiasmo!!!

A GRANXA DE MANOLA E JUAN

O pasado venres fixemos a nosa última excursión. Fomos en autobús, pero esta vez bastante lonxe: a Castelo de abaixo (Culleredo). Un camiño realmente precioso!!!

Na casa destes amigos subimos no tractor, dímoslle o biberón ós cuxos, alimentamos ás vacas, montamos en "cabala" e burro, bebimos leite recen muxido, vimos uns bois grandísimos e tamén galiñas... ata  invitaronnos a biscoito de chocolate.

Grazas por todo, Manola e Juan!!!

O MERCADO DE SAN AGUSTÍN

Nós, somos uns forofos dos mercados e feiras.  Hai tantas cousas deliciosas que ver, tocar, saborear e ulir... O último venres de maio fixemos a compra no de San Agustín e trouxemos as cestiñas cheas e os moedeiros valeiros. 
A xente que nos atendeu... encantadora coma sempre. Ánimo praceiras!!!

BEBETECA E XEADARÍA

O martes pasado dando un paseíño chegamos ata a Bebeteca da Deputación. Alí nos esperaba Silvia, a contacontos. Como nos fixo rir!!!

Despois  achegámonos á  Xeadaría Colón, famosa polos seus riquísimos xeados feitos con produtos naturais. O de morango triunfou! Que ben nos trataron. 

Moitas grazas a tod@s, imos repetir!!!

VISITAMOS O MAC

O mércores 17 de abril fomos ao Museo de Arte Contemporánea de Unión Fenosa. Queda un pouco lonxe da nosa escola, pero non importou. Collimos o autobús nº 11 e coas mamás, papás e algún avoiño alá fomos. Vimos esculturas de estaban feitas coa madeira das árbores, fixemos xogos e descubrimos que todos por dentro somos... DE COR ROSA.

Non sabiamos que os museos foran lugares tan divertidos!!!

 

SAÍMOS DA ESCOLA

Queremos compartir novas experiencias cos compañeiros fóra da escola.

En catro ocasións paseamos ata a Fundación Barrié que, dentro do ciclo "Despertamos a las artes", programaba teatro. Nós vimos  JOP e CARACOLES. Disfrutamos moito!!!

 

O mércores 13 visitamos a Casa dos Peixes. Esta vez viaxamos en autocar. Viñeron un montón de mamás, papás, algúns avós ... Pasámolo a mar de ben!!!
  

 

Á GRANXA!!!

Que mellor para empezar o mes que montar no autobús e visitar a Maruja e José na súa casa de Andeiro. Alí demos de comer ás vacas, montamos no cabalo, subimos aos tractores, vimos os invernadoiros, xogamos cos canciños, perseguimos galiñas...uff!
Ía moita calor e ó final fixemos un descansiño á sombra diante do hórreo para beber e tomar galletas e alfajores. Deliciosos!!!

Grazas por axudarnos a pasar unha xornada marabillosa!

QUE VIVAN OS MERCADOS TRADICIONAIS!!!

Hai que voltar aos mercados e feiras. Nós fomos durante tres días ao de San Agustín e como disfrutamos! Vimos e tocamos produtos novos, eliximos o que queriamos levar, pagamos do noso moedeiro, probamos ... estaba todo riquísimo. Un mundo de cores, aromas e sabores.
A xente que nos atendeu...encantadora. Ánimo praceiras!!!

CÓNTAME UN CONTO!!!

Na escola, dende os bebés ata os grandes, todos disfrutan moitísimo cos contos. Sabedes que diariamente hai un tempo dedicado a contalos, miralos e tocalos.

Escoitar contos e participar dunha historia non é calquera cousa: comezamos a entender o mundo a través deles, despértannos a curiosidade, a fantasía, as ganas de saber máis e de falar do noso.
Contalos non é nada sinxelo: aí está a habilidade do contador para avivar no neno todas esas emocións. A nosa recomendación é que practiquedes, que lle dediquedes un tempiño e xa veredes como o resto vai rodado... 

Durante tres días achegámonos con distintos grupiños, papás e avós á Biblioteca Municipal de Monte Alto coa idea de abrir un espazo novo de lecer para os peques. Un lugar cheo de historias marabillosas no que disfrutar un rato (de entrada uns minutiños) e sobre todo onde elixir libros e miralos na casa.