O venres 27 tivemos a honra de recibir a visita de tres persoas moi especiais: Olalla, Marc e Aroa. Son a adaptadora, o ilustrador e a "súa garavanciña" do noso conto do Antroido.
Cada un deles aportou o mellor de seu para facernos pasar unha mañá deliciosa. Olalla, coa grande capacidade que ten para captar co seu relato a atención dos meniños, que contemplaban extasiados como Marc, o artista, debuxaba ao mesmo tempo a historia. Colaboradora e xenerosa Aroa que pintou, cantou e compartiu os seus pais connosco. Bravo por ela!!!